الخميس، 24 ديسمبر 2009

كلمتين عن اضراب مصنع ميتكو

عاوز اكتب كلمتين كدة عن الاضراب الاخير في مصنع ميتكو
فالمشهد الاخير من قيام العمال بالاضراب عن العمل لمدة يومين
و لم يعودوا الي العمل الا باقالة المدير المصري بقرار من مالك المصنع الاسرائيلي
و اشادة أحد المواقع بالمالك لاسرائيلي اللي بيجيب الحق لاصحابه يبقي لازم الناس البعيدة عن القصة تفهم العملية ماشية ازاي
بكلمتين صغيرين
سؤال متي ظهر مصنع ميتكو و يعني ايه ميتكو
مصنع ميتكو هو نفسه أول مصنع ملابس جاهزة في بورسعيد و كان مصنع مصري مية في المية
اسمه مصنع بورسعيد للملابس الجاهزة عمره اكتر من عشرين سنة
و يعمل بالمصنع عمال مصريين شرفاء و مهندسين و اداريين مصنع بورسعيد كان المدرسة اللي اتعلم فيها
كل اللي بيشتغلوا في الملابس الجاهزة النهاردة و عددهم بالألاف
لكن اللي حصل و احنا عايشين في غفلة من الزمان من حوالي عشر سنين
قامت شركة باجير الاسرائيلية بشراء النسبة الاكبر من أسهم من مصنع بورسعيد للملابس
و أول قرار للمالك الاسرائيلي الجديد ازالة كلمة بورسعيد من عالمصنع و اطلاق اسم ميتكو عالمصنع يعني ايه ميتكو يعني
Middle East Tailoring Company
مصنع الشرق الأوسط للحياكة
المهم عامل مصري فجأة لقي نفسه بيشتغل عند اسرائيلي
و تم تعيين مدير عام اسرئيلي و عدد من الموظفين و الموظفات لاسرائيليات
بعد كدة في تغيرات كل فترة يعني كان في مدير عام مصري و اتغير و اتعين مكانه مدير عام اسرائيلي
و من كام سنة تم تعيين مدير عام مصري بدلا من المدير العام لاسرائيلي
نجي بقي للأزمة الأخيرة
المدير العام المصري المهندس محمد ضرار بينفذ تعليمات و قرارت صادرة من المالك لاسرائيلي شركة باجير
فليس من المنطق و لا العقل ان موظف مصري يصدر قرارات بفصل عمال و مهندسين مصريين
و استبدالهم بعمال بنجلاديش و مهندسين اردنيين برواتب اعلي من المصريين بكتير
قرارت الفصل دية بقي قرارات مين قرارت المالك لاسرائيلي
و القرارت دية ادت لثورة عمالية ضد مين ضد المدير العام المصري اللي في وشهم و حملوه مسئولية قرارات مش من سلطته اتخاذها
دة غير ان اللي الناس متعرفوش انه مكانش موافق عالقرارت دية و قدم استقالته قبل اسبوعين من الاحداث الاخيرة
لكن استقالته لم تقبل و اقنعوه بالاستمرار و في الاخرأحد المواقع الالكترونية فجأنا بان العمال سعداء بقرار المالك لاسرائيلي باقالة المدير المصري الظالم المستبد
و المالك لاسرئيلي هو الشهم اللي بيجيب حقوق العمال
انا عارف ان الكلمتين طولوا شوية بس دة عشان اوضح جزء بسيط من الحقيقية و ما خفي أعظم

هناك 6 تعليقات:

TAFATEFO يقول...

طب والعمال مش فاهمين الموضوع ده؟

صوت الحق يقول...

العمال يا طفاطيفو ليهم باللي قدام عينيهم المدير المصري هو اللي في الصورة بالظبط زي السادات لما رفع الاسعار في السبعينات البلد ولعت اصدر قرار باقالة الحكومةالناس هديت و اتبسطت دية زي دية

مهندس مصري يقول...

يا نهار ملحوس
على كده بقى كام مصنع في مصر زي كده
كام شركة إتباعت للإسرائيليين

صوت الحق يقول...

لازم تحصل ازمة عشان الناس تكتشف
مصنع أو شركة تانية

Whipix Forward يقول...

ندعم موقعك دائما بكل الوسائل التسويقية التي تصل بأهدافك المطلوبه إلى أعلى النتائج وتحسين ترتيب موقعك بمحركات البحث .
نقدم لك التكلفة المناسبة لحجم اعمالك والجودة العالية ويبكس لخدمات التسويق الالكترونى و اشهار المواقع دقة الاداء وسرعة التنفيذ + سعر مناسب لكافة الخدمات
للاستفسار يمكنكم التواصل على 01000250135
http://www.whipixemarketing.com/

Whipix Forward يقول...

مع ويبكس نقدم وسائل تسويقية هادفة تصل بموقعك للوصول الى الصفحات الاولى بمحركات البحث
تجدوا لدينا كافة خدمات التسويق المتكاملة , التسويق الكترونى, وساطة تجارية , تصميم وتطوير المواقع, اشهار المواقع
مع تحيات
شركة ويبكس لخدمات التسويق المتكاملة
http://www.whipixemarketing.com 00201000250135