السبت، 21 مايو 2011

المنطقة الحرة العامة ببورسعيد تغرق في مياه الصرف

المنطقة الحرة العامة للاستثمار ببورسعيد التي تصدر 40% من صادارات مصر من الملابس الجاهزة
غارقة في مياة الصرف و رئيس هيئة للاستثمار قابع في مكتبه ............... و لا استثمارات جديدة ..........الاستثمارات القائمة تتهاوي .................الصور تنطق !!!!! باشياء لا يستطيع انكارها أحد
اتقوا الله في مصر































الجمعة، 18 مارس 2011

نعم للتعديلات الدستورية من اجل الحفاظ علي مكتسبات الثورة المصرية

مين يقدر يقول لا لاشراف قضائي كامل علي لانتخابات مين يقدر يقول لا علي رئيس يحكم فترتين فقط كل فترة عمرها اربع سنوات مين يقدر يقول لا علي فتح الباب امام اي مواطن مصري للترشح لرئاسة الجمهورية اذا حصل علي تأييد 30 الف مواطن او 30 عضو برلمان و ان كان يمثل حزب يكفيه مقعد واحد في البرلمان مين يقدر يقول لا علي الغاء المجلس سيد قراره و يصبح القرار النهائي للقضاء في صحة العضوية في البرلمان مين يقدر يقول لا علي كل ما سبق من انجازات للثورة المصرية هنقول نعم للتعديلات الدستورية من اجل الحفاظ علي مكتسبات الثورة المصرية

الثلاثاء، 8 مارس 2011

رسالة من رشيد محمد رشيد

وصلتني هذه الرسالة بعنوان ثورة الكرامة من رشيد محمد رشيد وزير التجارة و الصناعة السابق
انقلها لكم كما هي كوبي و بيست بدون حذف او اضافة
Quote

بسم الله الرحمن الرحيم




رسالة من رشيد محمد رشيد



ثوره الكرامه



اصدقائى احبائى اهل بلدى لقد عشت كما عشتم جميعا احداث ثوره 25 يناير. بعضنا أشترك فى احداث هذه الثورة والبعض الأخر تحمس لها دون أن يشارك و البعض الأخر حاول أن يتتبع أحداثها و هو يسعى لفهم توجهاتها و تاثيرها.



هذه الثوره هى واقع مصر اليوم و الشباب الذى قام بها و ضحى بحياته من أجلها خلق لمصر حاضر و مستقبل جديد. وانني مثل ملايين المصريين عشت هذه الأيام وسعيت لفهم أسباب ومغزى هذه الثورة. لقد تحدثت مع كثيرين من الذين خططوا و اشتركوا في أحداث الثورة من داخل مصر ومصرين من خارج مصر. وبعد إستماع وتأمل لكل هذه الأحداث وهؤلاء الشباب الصورة أصبحت واضحة في ذهني. هذه الثورة هي "ثورة كرامة" للمصرين. ثورة عبرت عن مشاعر الشباب انه قد أن الأوان أن تكون مصر وشعبها أصحاب كرامة وأنه قد أن الأوان أن يستعيد الشعب ملكية هذه البلد من نظم حكم فاسده إستبدت بهذه البلد لمدة عشرات السنين وهانت عليها كرامة الشعب وهان عليها المواطن المصري.



كانت ثورة كرامة ولم تكن ثورة جياع أو ثورة عاطلين أو ثورة فقر. كانت ثورة كرامة تضع المواطن المصري فوق كل شيء و قبل كل شيء. هي ثورة كرامة ويجب أن نحتضنها للقيم الإيجابية التي أتت بها حتى نحقق لانفسنا وللاجيال القادمة العدالة والكرامة.



محاربة الفساد جزء أساسي من الانتقال من النظام القديم إلى إسلوب إدارة جديد للبلاد ويعتمد على العدالة والكفاءة والانتاج. وأنا ادعم تماماً كل منظومة محاربة الفساد ومحاسبة الفاسدين وتغير كامل لمنظومة الحكم التي كانت مبنية على تبادل المنافع والمحسوبية والرشوة والوسطه.



و رغم الفساد الذي كان موجود في البلاد فإننا تصورنا ان علينا البدء في محاربة هذا الفساد ولو في جزء محدود مثل التنمية الاقتصادية لذا أنا وزملائي في وزاره التجارة والصناعة كانت من أهم اهدافنا وانجازاتنا محاربة الفساد في كل مكان وخاصة في منظومة الأراضي الصناعية وتخصيص الغاز والطاقة وكانت وزارة الاسكان ووزارة البترول فى الحكومات السابقه تقوم بتخصيصهم للمستثمرين دون قواعد واضحة وفي كثير من الأحيان بالأهواء الشخصية للمسؤلين وبالتالي كان اولوياتنا الاولى هي وضع ضوابط تنطبق على الكبير قبل الصغير والشخص المسنود قبل المواطن العادي. ومن هنا كانت مفاجأة شديدة أن يوجه للمهندس/ عمرو عسل ولشخصي إتهام باننا نساعد أحمد عز للحصول علي تراخيص بدون مقابل. المفاجئة شديدة لأن دون كل صناع مصر لم يتعرض أحد لأحمد عز ومؤسساته قدر ما تعرضت وزارة الصناعة لتحجيم وتقليل سيطرته على الأسواق عن طريق إلغاء رسوم الاغراق التي كانت موجودة حين أتيت للوزارة ورفع أسعار الغاز لاكثر من ثلاث أضعاف وتحويله لجهاز حماية المنافسة ومنح تراخيص جديدة لشركات للتوسع وعدم منحه موافقات لزيادة إنتاجه بل سمح له فقط التوسع في تعميق الصناعة بمعنى تصنيع خامات مصنعه، و قد رفعنا الجمارك تماماً من الحديد المستورد لإصرارنا على عدم حمايته من المنافسة مع الحديد المستورد مثل التركي الذي ارغمه على تخفيض اسعاره للثلث.



هل يعقل أن يكون هناك تجاوز من وزاره الصناعة لمجاملة أحمد عز بعد كل هذه المواجهات وأشدها كان خلال تعديلات قانون الإحتكار حيث كانت هذه الموجهة علنية وإستخدم فيها أحمد عز كل اسلحته وقامت كل الصحف القومية بمهاجمتي شخصياً ومهاجمة وزارة الصناعة لحساب أحمد عز.



و كذلك الاتهامات التي تمس نزاهتي رغم انني كنت الوحيد في تاريخ الحكومة المصرية الذي تقدم يوم ١٥/٧/٢٠٠٤ إلى رئيس الوزراء بكشف كامل بكل مساهماتي وتحديد لإسلوب ادارتها وكيفية حجب أي تضارب مصالح وكل هذه البيانات في وثيقة قدمت لرئيس الوزراء ونشرت خبرها في الصحف.



المبالغات والمغالطات شديدة وهناك رغبة واضحة لدي البعض بهدم شخصي و سمعتي ولكني أؤمن وأثق بالله سبحانه وتعالى لانني كنت اتعامل مع الله سبحانه وتعالى لمدة ست سنوات ونصف وأن أعمل كل دقيقة مع فريق عملي المتميز لبناء مصر لخلق فرص العمل لرفع مستوى المعيشة لرفع إسم مصر في كل مكان وحققنا الكثير

أكثر من ١٥٠ مليار جنيه استثمارات في أكثر من خمسة آلاف مصنع في مصر كبير ومتوسط وصغير.

مضاعفة الصادرات

خلق شبكة للاتفاقات التجارية لا تملكها أي دولة أخرى في العالم منتجاتنا المصرية تدخل الأسواق العربية والاروبية والافريقية والامريكية وأمريكا الجنوبية والدول المتوسطية بلا جمارك أو حصص.

طورنا التجارة الداخلية وجعلنا للمواطنين والمستهلك حماية لأول مرة في تاريخ مصر

وضع ضوابط للمنافسة

ساعدنا صغار الصناع والتجارة والموهوبين والحرفيين في كل مصر.



انني تعاملت مع الله سبحانه وتعالى وهو فوق الجميع.



انني ارغب في العودة لبلدي مصر اليوم قبل الغد ولكني أيضاً أريد الكرامة لنفسي واولادي وعائلتي. أنا مستعد لمواجهة كل التهم والدفاع عن نفسي لأن ثقتي بالله لا حد لها وأعلم ويعلم الكثيرون أن هذه التهم لن تثبت أمام الحقائق. ولكن كما خرجت من مصر شخص محترم أدى واجبه أمام الله والوطن والمواطنين لي حق أن أرجع محترم ولا يمثل بي وأعامل معاملة المجرمين قبل محاكمتي. انني لا أقبلها لأي مواطن مصري الكل بريء حتى تثبت ادانته وبالتالي لا أقبلها على نفسي حرصاً على أولادي وعائلتي.
Un Quote

الخميس، 24 ديسمبر 2009

كلمتين عن اضراب مصنع ميتكو

عاوز اكتب كلمتين كدة عن الاضراب الاخير في مصنع ميتكو
فالمشهد الاخير من قيام العمال بالاضراب عن العمل لمدة يومين
و لم يعودوا الي العمل الا باقالة المدير المصري بقرار من مالك المصنع الاسرائيلي
و اشادة أحد المواقع بالمالك لاسرائيلي اللي بيجيب الحق لاصحابه يبقي لازم الناس البعيدة عن القصة تفهم العملية ماشية ازاي
بكلمتين صغيرين
سؤال متي ظهر مصنع ميتكو و يعني ايه ميتكو
مصنع ميتكو هو نفسه أول مصنع ملابس جاهزة في بورسعيد و كان مصنع مصري مية في المية
اسمه مصنع بورسعيد للملابس الجاهزة عمره اكتر من عشرين سنة
و يعمل بالمصنع عمال مصريين شرفاء و مهندسين و اداريين مصنع بورسعيد كان المدرسة اللي اتعلم فيها
كل اللي بيشتغلوا في الملابس الجاهزة النهاردة و عددهم بالألاف
لكن اللي حصل و احنا عايشين في غفلة من الزمان من حوالي عشر سنين
قامت شركة باجير الاسرائيلية بشراء النسبة الاكبر من أسهم من مصنع بورسعيد للملابس
و أول قرار للمالك الاسرائيلي الجديد ازالة كلمة بورسعيد من عالمصنع و اطلاق اسم ميتكو عالمصنع يعني ايه ميتكو يعني
Middle East Tailoring Company
مصنع الشرق الأوسط للحياكة
المهم عامل مصري فجأة لقي نفسه بيشتغل عند اسرائيلي
و تم تعيين مدير عام اسرئيلي و عدد من الموظفين و الموظفات لاسرائيليات
بعد كدة في تغيرات كل فترة يعني كان في مدير عام مصري و اتغير و اتعين مكانه مدير عام اسرائيلي
و من كام سنة تم تعيين مدير عام مصري بدلا من المدير العام لاسرائيلي
نجي بقي للأزمة الأخيرة
المدير العام المصري المهندس محمد ضرار بينفذ تعليمات و قرارت صادرة من المالك لاسرائيلي شركة باجير
فليس من المنطق و لا العقل ان موظف مصري يصدر قرارات بفصل عمال و مهندسين مصريين
و استبدالهم بعمال بنجلاديش و مهندسين اردنيين برواتب اعلي من المصريين بكتير
قرارت الفصل دية بقي قرارات مين قرارت المالك لاسرائيلي
و القرارت دية ادت لثورة عمالية ضد مين ضد المدير العام المصري اللي في وشهم و حملوه مسئولية قرارات مش من سلطته اتخاذها
دة غير ان اللي الناس متعرفوش انه مكانش موافق عالقرارت دية و قدم استقالته قبل اسبوعين من الاحداث الاخيرة
لكن استقالته لم تقبل و اقنعوه بالاستمرار و في الاخرأحد المواقع الالكترونية فجأنا بان العمال سعداء بقرار المالك لاسرائيلي باقالة المدير المصري الظالم المستبد
و المالك لاسرئيلي هو الشهم اللي بيجيب حقوق العمال
انا عارف ان الكلمتين طولوا شوية بس دة عشان اوضح جزء بسيط من الحقيقية و ما خفي أعظم

الجمعة، 20 نوفمبر 2009

المتهم الحقيقي في احداث الخرطوم

واحد من المسئول عن ارسال جمهور اللولي باب و عدم ارسال جمهور الكورة الحقيقي الي الخرطوم
اتنين من الذي اختار السودان
تلاتة فين دور المخابرات المصرية و الخارجية في اعداد تقرير مفصل بالحالة الامنية في السودان
اربعة ازاي متمش ارسال قوات مصرية خاصة لحماية المصريين اللي سافروا من لحظة وصولهم يقال انهم ارسلوا قوات خاصة بعد ما الناس اتضربت
خمسة لية مفيش حساب للمسئول عن تأمين بعثة منتخب الجزائر في القاهرة في مسافة 500 متر و ازاي متمش القاء القبض علي من القي الطوب عليهم
ستة الاعلام الحكومي طلع كذب عالشعب و جاب سواق مزيف و قال لاعيبة الجزائر هما اللي كسروا الاتوبيس مما أدي لتهييج الشارع الجزائري
حاسبوا كل هؤلاء قبل أن تحاسبوا الجزائر

الخميس، 19 نوفمبر 2009

نص شكوي كتبتها للفيفا انشروها و ابعتوها

Our Egypt team supporters face death
In Khartoum There were a lot of injuries in our supporters
Because of the criminals with the Algerian fans
It was a massacre
Algerian fans threw stones on the Egyptian team bus and played fireworks in the stadium
More than one time Algerian fans stormed into the play ground before & after the match
Please take a quick action before a big disaster takes place in the world cup
From the Algerian fans
دة اللينك هتبعتوا عليه الشكوي

الأربعاء، 18 نوفمبر 2009

مفشخة الخرطوم

احدثكم الأن و انا في قمة الغضب و الحزن علي خسارة منتخب مصر و الصدمة القاسية التي تعرض لها شعبنا الغلبان
و لكن سندع الفنيات جانبا و سأتحدث عن المفشخة التي تعرض لها المصريين في الخرطوم
سؤال فين جمهور الكورة المصرية امبارح
الجزائر ارسلت وحوش الي الخرطوم و احنا ارسلنا خبؤات الحزب الوطني و فنانين و فنانات و اعضاء مجلس شعب و حشد من الاعلاميين و كانت النتيجة المتوقعة الجزائرين افترسوهم هناك
عارفين ليه عشان المصريين اللي سافروا دول مش رجالة ما هو لما فيه 2 مليون مصري في الخرطوم غير الألاف اللي سافرت و الجزائرين الأقل عددا يضربوهم يبقي احنا كنا باعتين عيال خنتة بقي
انا سمعت كلام عار علينا انه يتقال
فيه مشجع كورة دكر يقول في التليفون الحقونا احنا مستخبين في منزل سوداني ماتطلع واجه و خد حقك بايدك يا خرونج
واحد تاني بيقول الجزائرين بيقفوا الاوتوبيس و يخلوا السواق ينزل عشان يضربونا يا ختي عليها
احنا في بورسعيد جمهور المصري لما بيتلق طوبة علي طريق السفر بيفشخوا السواق و الجمهور اللي في الاوتوبيس بيخلوه يقف غصب عنه عشان ينزله و ياخدوا حقهم من اللي ضربهم
جوز لا مؤاخذة نازلين من الطيارة أحسن ان خسرنا دة لو كنا كسبنا كان موتونا و بص التعويرة حضرتك
في مشجع راجل بقول راجل يقول كدة مشجع الكورة يدفع حياته عشان ناديه أو الفرقة اللي بيشجعها و لما انت خايف علي حياتك اوي سافرت لية يا جبان لكن اقول ايه ما معظم اللي سافروا من الحزب الوطني اللي مسافرين بالأمر مش عشان يشجعوا المنتخب أو من أبو رحلة ببلاش و الحزب الوطني في الشرقية بيشجع المنتخب اتفوا عليكوا نفر نفر
و الفنانين برضة بتوع ابو بلاش اللي طلعوا علي طيارة قناة الحياة لو كانت تذكرة بألف جنيه مكنش حد راح
رايح تعمل ايه يا حضرة الفنان في معركة كروية زية دية
دة سلمي الشماع كانت في الماتش يا نهار اسود يا جدعان
و الرئيس مبارك بقي احلي ما في الموضوع معبرش المصريين في الجزائر بكلمة و لما ولاده كانوا في السودان اتدخل و قال لانس الفقي نبعت طيارات و نأمن الناس و النبي ايه دلوقتي اهتمت بالمصريين في الخارج و لا لما بقي ولادك هناك و خايف عليهم
و اكتملت الكوميديا الحزينة
علاء و جمال مبارك خلعوا علي اول طيارة و سابوا الجمهور المصري في السودان اللي هو مش جمهور و لا حاجة و اللي منهم ابنائهم اعضاء الحزب الوطني ايوة سابوا اعضاء الحزب الوطني و خلعوا يا دي الفضيحة لا و عايز يبقي رئيس جمهورية
مش كان يفضل قاعد في السودان لحد ما أخر مصري يرجع و يطمن عليه
لكن اقول ايه قدر الله و ما شاء فعل والحمد لله يمكن ربنا عمل كدة عشان نفوق فوقواااااااا فوقواااااااا فوقوااااااا

الثلاثاء، 13 أكتوبر 2009

النساء المحور الرئيسي للاهانات المصرية الجزائرية قبل المواجهة التاريخية



و انا بقلب في المنتديات الرياضية فوجئت بهذا الكم من الاهانات بين الشباب المصري و الجزائري



و تم استهداف النساء من الشعبين بكل قسوة و عنف و هو ما يثير الاشمئزاز خاصة و ان تلك الاهانات صدرت عن شعبين شقيقين


و من المعروف ان المرأة لها مكانة خاصة في الشرق فما الداعي لمثل تلك التصرفات الصبيانية


اليكم عدد من تلك الصور لتتحدث عن حجم المأساة التي وصلت اليها الشعوب العربية

الاثنين، 3 أغسطس 2009

محافظ بورسعيد لأبويا الشرطة مش فاضيلكوا

تستعد بورسعيد لاستقبال رئيس الوزراء أحمد نظيف و عدد من الوزراء
و يتوجه الوفد الزائر لزيارة مشروع مساكن الحرية الجديدة كجزء من برنامج الزيارة
فتوجه المحافظ و مدير الأمن و عدد من قيادات المحافظة الي زيارة المشروع للتأكد ان كل شيء علي ما يرام قبل الزيارة المرتقبة
فتفاجأ المحافظ ان عمدان الكهرباء من غير أسلاك و مفيش حاجة فمكانها فتسأل عن السبب في هذا التهريج و كان
الرد من القائمين علي المشروع و احنا نعمل ايه في الحرامية بنركب الحاجة بليل نصحي الصبح منلاقيهاش
لمن لا يعرف بورسعيد فمنطقة الحرية هي أكبر بؤرة اجرامية في بورسعيد
من حيث تجارة المخدرات العلنية و العصابات و جرائم السرقة منتشرة جدا في تلك المنطقة
و قد اختارت الدولة ان تخترق تلك البؤرة و تقوم ببناء اسكان للشباب في قلب هذا المستنقع
كجزء من مشروع مبارك لاسكان الشباب
و لكن القائمين علي المشروع يعانون أشد المعاناة بسبب الغياب الأمني في تلك المنطقة و تعرض المعدات للسرقة
و الخناقات التي تحدث بين تجار المخدرات و قيام عصابات المجرمين كل فترة بالاعتداء علي عمال البناء
بعد هذه النبذة نرجع لموضوعنا و هو زيارة المحافظ و تواجد أبويا في المكان بصفته مهندس من القائمين علي المشروع
المحافظ كان بيزعق و منفعل بسبب تلك السرقات و قبل زيارة دكتور نظيف و هنا أبويا قال للمحافظ حضرتك احنا بنطالب بعربية شرطة تتواجد بشكل دائم في المنطقة و هنا كان رد المحافظ مفاجئا لابويا و هي الشرطة فاضيلكوا كل واحد مسئول يخلي باله من حاجته
بصراحة مفيش تعليق من عندي

الأحد، 9 نوفمبر 2008

متولي مات ماذا بعد ؟؟؟؟؟؟؟


لم أستطع الكتابة في اليوم الأول لوفاة الحاج سيد متولي و لكن بعد مرور 48 ساعة أصبحت قادرا علي استيعاب ما حدث بعض الشيء

بسأل نفسي هاعمل ايه دلوقتي بعد لما مات الراجل اللي كان واقف في ضهرنا بيحمينا و محافظ علي نادي بلدنا اللي بنعشقه اكتر من نفسنا يعني خلاص كدة معتش فيه النادي المصري البورسعيدي هتحرم من أجمل متعة في حياتي و هي تشجيع المصري

انا عارف ان موت الحاج سيد متولي كارثة كبيرة علي بورسعيد كلها فهو أكثر أهمية من صالح سليم بالنسبة للأهلاوية

صالح سليم كان وراه ناس تشيل لكن احنا معندناش حد خالص غيره بورسعيد يوم وفاة متولي أشبه بمصر يوم وفاة عبد الناصر

فعبد الناصر لم يكن الأفضل و لكنه الخيار الوحيد للشعب المصري فمواجهة العالم و كذلك كان متولي بالنسبة لبورسعيد فكيف سنواجه الاخرين بلا قائد و بلا زعيم اننا أمام نهاية دراماتيكية مفاجئة و غير متوقعة علي الاطلاق لتاريخ من الحب و العاطفة تمليء قلوب كل بورسعيدي لناديه العريق

و لكني واثق من أن الحلم البورسعيدي لن يموت أبدا فمن أول يناير 2009 ستشهد بورسعيد بداية جديدة لها ففي هذا اليوم سينتهي العمل بنظام المنطقة الحرة و ستظهر في الافق القريب بورسعيد الجديدة تلك المدينة التي سنبنيها بأيدينا في شرق التفريعة و سنبدأ في جني حصاد سنوات من العمل علي تحويل مدينتا الي قلعة صناعية كبيرة و بالفعل أصبحنا علي رأس مصدري الملابس للخارج في مصر فبورسعيد وحدها تصدر ما يعادل 40% من اجمالي صادرات الملابس المصرية للخارج و ستتنعش التجارة مع بدء الميناء الجديدة في العمل و ستعوض بورسعيد ما فاتها في عهد بائد تفرغنا فيه لتجارة الاقمشة و البالة و الشباشب و تركنا دبي تتفوق علينا و تسبقنا بعشرات السنين فكل بورسعيد مصممة أن تلحق بدبي بل و تسبقها أيضا هذا عن الوضع في شرق ووسط بورسعيد

و لكن في الجنوب هناك ساحة أخري للابداع أكبر شركات الصناعات البترو كيمياوية و البويات أصبحت لدينا الان

و في الغرب انتشرت شركات النفط و البروبلين كل هذا كان نتاج كفاح و تعب و لم يأت بين ليلة و ضحاها



و الأن اتسأل بعد كل هذا النجاح في شتي المجالات هل بوفاة الحاج سيد متولي ستنتهي قلعة بورسعيد الرياضية و يضيع النادي المصري البورسعيدي هل كل تلك الموارد و مصادر الدخل عاجزة عن دعم النادي المصري البورسعيدي ليكون قادرا علي المنافسة وسط الكبار

فمن منا لن يموت أو يرحل فمتولي راحل و الاعبين و المدربين راحلون بل و حتي الجماهير سترحل و لكن من سيبقي هو كيان النادي المصري البورسعيدي و هذا دور رجال الاعمال البورسعيدية الذين استفادوا من بورسعيد الكثير و الكثير و حان وقت رد الجميل يا أباطرة الملابس و البوية و الصناعات البتروكيماوية

الاثنين، 18 أغسطس 2008

التذكرة لاتزال في جيبي

لقد ابتلاني ربنا بحب حاجتين السياسة و الكورةو دقت الأمرين بسبب الاتنين دول يوم الأربعاء الماضي و كعادتي احضر كل مباريات النادي المصري في بورسعيد فقررت اني اظبط شغلي و مواعيدي علي حضور مباراة القمة بين المصري و الأهلي الأجواء كانت ساخنة قبل المبارة بأيام التدريبات ممتلئة بالجماهير فما بالك بالمباراة نفسهاعملت حسابي استأذنت ساعة من الشغل روحت قضيت مشوار و عديت اجيب تذكرة عشان ألحق من بدري قبل ما يخلصوااليوم ابتدي التذكرة تمنها 5 جنيه و نفدت و مفيش قدامي غير السوق السودة كام يا عم 10 جنيه طيب اشتريتها و أمري للهبالعند شغل كتير و روحت الساعة 6 البيت و الماتش 9 و نص بليل يدوبك اتغديت بسرعة و لبست و خدت العلم و نزلت علي اساس اقابل صحابي 7 ندخل الاستاد مع بعضجينا ندخل المدرج البحري علي 7 و ربع المدرج قفل لية يا عم دة فاضل اكتر من ساعتين خلاص معتش فيه مكان جوة صحابي قالوا هنشوف في المدرج الغربي قلت طب روحوا و انا هاحاول اخش بحري صحابي راحوا و رجعوا المدرج الغربي كمان قفل كدة يبقي خلاص معتش فيه امل ادخل يعني اروح مستحيل طبعا دة انا قتيل الماتش دة هادخل يعني هادخل و لو علي جثتيبعد كدة ازاء اصرار الامن علي غلق الابواب شوية شباب و اطفال تحدوا قرار الامن و بدأوا يتسلقوا السور و السور عالي فوق 15 متر انا كنت خايف حد منهم يجراله حاجة لدرجة روحت لعميد شرطة قلتله ينفع كدة مش عارفين ندخل و الناس تطلع كدة من فوق السورقالي عايز تخش نط من علي السور زيهم طبعا اهم حاجة يبقي الظابط البورم اللي مدخلش حد من عنده انفعلت عليه و قلتله لو واحد من الاطفال دية وقع مات ذنبه في رقبة مين قالي ذنبه في رقبة لاعيبة الكورة المعرصين قلتله يعني دية مش مسئولية اللي قافلين الباب و الامن و الحكومةادور و مشي و مردش عليا و قال انا بحميكوا عشان متدخلوش جوة و تحصل كارثة من الزحامو انا واقف صامد لم يتسلل اليأس الي قلبي اذا بأحد المشجعين من الداخل جة وقف علي احد البوابات الصغيرة المغلقة بالقفل و قام بكسر احد القضبان و قال اللي يقدر يعدي من بين القضيبن دول يعدي المسافة وسعت شوية بعد كسر القضيب جربت اعدي عديت و طلعت اجري بسرعة قبل ما حد من الامن يجي متوجها الي المدرجات دة كان في حدود سبعة و نص و خمسةاذا بصدمة اخري في المدرجات مفيش موقع لقدم يعني مفيش مكان تقف مش تقعد فنزلت تاني علي الحديقة الخلفية للاستاد قلت اطلع بقي علي بداية المبارة طالما كدة كدة وقفة بوقفة و قعدت تحت اشرب حاجة ساقعة و اتفرج عالمهازل اللي بتحصل تحت جماهير بتحاول تقتحم البوابة عنوة و فعلا حصل هجوم كبير و سقط عدد من العساكر و الحواجز الامنية علي الارض و دخل المدرجات 10 او 15 مشجع و بعد كدة اعاد الامن السيطرة و نزل فيهم ضرب بالخرزاناتطبعا مهازل القفز علي الاسوار مستمرة و احتكاكات متواصلة بين الامن و الجمهورو انا قاعد اتفرج الساعة 9 الا ربع قلت اطلع المدرجات بحثت عن اصدقائي اعضاء رابطة مصري لافرز حتي وجدتهم في مكانهم المعتاد وقفت معاهم علي اساس مفيش حد هيقعد النهاردةو جاءت الانباء بالموبايلات ان جماهير الاهلي اعتدت علي اوتوبيس الاعبين الخاص بالمصري طبعا حالة هياج غير عادي في المدرجاتكله بيشتم في الاهلي بعصبية شديدةووسط تبادل الهتافات بين الجمهورينفجأة النور اتقطع و عم الظلام الدامسو و انوار الموبايلات عملت لوحة فنية جميلة و اشعلت جماهير الاهلي عدد من الشماريخ و القتها في الملعب و ردت جماهير المصري بشمروخ كبير و عادت الكهرباء و الاضواء من جديد و انطلقت المباراة في تمام التاسعة و النصف و هنا سكتت جماهير الاهلي تماما و سيطرت جماهير المصري علي الملعب طوال ال 90 دقيقة سيطرة كاملة للمصري البورسعيدي علي مجريات المباراة حتي سجل محمد جابر الهدف الأول للمصري و القت جماهير المصري شمروخين جمدين احتفالا بالهدف و بدأ احتكاك الامن بالجماهير و عايزين يعرفوا الشماريخ دية جاية منينو في الشوط التاني طرد وائل جمعة اشعل مدرجات المصري فرحا و طرد ابراهيم حسن اشعلها ثورةحتي سجل المصري هدفه الثاني عن طريق أحمد شديد قناويو القت جماهير الاهلي عدد من الشماريخ و اثارت الشغب و اشتبكت مع الامن حتي انتهت المباراة و بدأ شغب أهلاوي بعد المباراة و خرجت جماهير المصري في فرحة غامرة و خرجنا من الاستاد بصعوبة شديدة نظرا للزحام الشديد و توجهت جماهير المصري الي ناحية مدرجات الاهلي فهاجم الامن الجماهير و و رديت جماهير المصري بالقاء الحجارةبعدها تم تحويل مسار جماهير المصري حتي لا تتقابل مع جماهير الاهلي و سهرت جماهير المصري حتي الصباح تحتفل بالفوز و انا روحت بيتنا في سعادة كبيرة انه حقا كان يوما مشهودا في تاريخ بورسعيد

دعارة أم توحش أمني

المكان استاد النادي المصري وسط حشد جماهيري هائل وصل ل50 الف متفرج في استادسعته لا تتعد ال 25 الف متفرج الحدث مباراة المصري و الاهلي الزمان الساعة الثامنة مساء قبل بداية المبارة بساعة و نصف و أنا اجلس في الحديقة الخلفية للمدرجات يعني جوة الاستاد لكن مش في المدرجات بالظبط كنت في الطريق بين المدرجات و باب الخروج و الدخول عامة قصتي مش المباراة اللي هاكتب عنها نوت منفصل كان يوم رائع لم يعكر صفوه الا هذا المشهد المرعبو انا قاعد في امان ربنا بصيت لقيت ظابط مباحث و عدد من المخبرين و العساكر بيجرجروا فتاة و اتنين رجالة من المدرج و طالعين علي باب الخروج لحد كدة عادي طول اليوم في ماتشات الكورة ناس تتمسك و تطرد برة لكن اول حاجة كانت مثيرة للدهشة هي منظر تلك الفتاة اول مرة اشوف داخل استاد النادي المصري فتاة ترتدي بدي اخضر ضيق و جينز محزق و كميات كبيرة من المكياج و صبغه شعرها بني او كستنائي و ممسوك معاه اتنين رجالة و عينك ما تشوف الا النور ام المثير للخوف فكان الاعتداء الرهيب من الامن عليهم عدد هائل من الصفعات علي الوجه و القفا و بيشتموا بأقذع الشتايم معظمها شتايم تخص الشرف انا عمري ما شفت حد بيضرب كدة و خصوصا بنتو هما في طريقهم للخروج من الاستاد ظابط المباحث قال و مين قال اني هسيبهم يروحوا هاتهوملي تاني جوة و جرجروهم تاني و البنت جزء من ضهرها اتكشف و بعد كدة رموهم داخل غرفة مغلقة للعاملين في الاستاد و علقة تانية ساخنة ليهم داخل الغرفة المغلقة و بعد كدة خرجوا هما التلاتة وارمين من كتر الضرب و ركبوهم البوكس و طلعوا بيهم علي قسم المناخ يتعملهم محضر لحد كدة انتهت القصة و بدأت احاول افهم ايه اللي شفته دة سمعت بقي كلام مختلف فيه كلام ان البنت مسجلة اداب و معروفة للامن و الواد اللي معاها شكله برضة معروف انه قواد و الواد دة بالذات خد النصيب الاكبر من الضرب لانه بجح مع الظابط و مكانش عايز يمشي معاه و رفض يخرج من الاستاد في الاول فكان عقابهم الضرب و العلقة الساخنة و رد علي الظابط قدامي و قاله انت كدة جدع و بعد الكلمة دية الضرب تضاعف ووصل لما يعادل 60 قلم في الدقيقة علي 10 شلاليتحاجة تانية الولدين و البنت مع كل الضرب و خصوصا البنت لا بتصوت و لا تعيط بتاخد الاقلام علي وشها و كأنها متعودة علي الحاجات دية مع اني تخيلت لو نزل عليا قلم من اللي هي خدتهم هيبقي نهايتي اما تعليقات الناس في اللي قال حرام الضرب دة كله مهما كان بنت هيه يعني البنت اتمسكت في حالة تلبس طبعا دة مستحيل يعني البنت هتمارس الدعارة امام خمسين الف متفرج ازاي يعني و فيه الملتحي المتدين بيقول تستاهل عشان اللبس المسخرة اللي هيه لابساه طبعا هيه مش بتضرب عشان اللبس اكيد حصل منها حاجة بس انا مش عارف ايه هيه المشكلة اللي مضايقني اني نفسي اوصل لحل هل انا و كل الشباب اللي حاربوا و كافحوا ضد التعذيب في اقسام الشرطة علي حق و لا المجرمين دول زي الوباء و يجب استئصالهم و الامن معذور لان مفيش طريقة تانية للتعامل معاهم غير الضرب عشان يتربوا و ازاي الامن هيواجه الدعارة و المخدرات و اللصوص عشان يعترفوا بجرائمهم هل القانون المصري عاجز هل دة بسبب خيبة امنية و عجز عن ايجاد الدليل عشان متعلموش كويس في كلية الشرطة كيفية الوصول للأدلة و البراهين اتمني اشوف مصر نظيفة امن يتعامل مع المواطن باحترام وقانون صارم قادر علي مواجهة الجريمة قبل ان تحدث هل الحل في قانون طواريء للمخدرات و السرقة و الدعارة أنا في حيرة من امري انتظروا النوت القادم عن المباراة الرائعة و المهازل الامنية و احداث الشغب في يوم الاربعاء الساخن

الخميس، 27 مارس 2008

فين أيام خونة زمان

فين خونة زمان و أيام زمان اة والله وحشوني كانوا خونة علي حق احنا في زمن فاشل من كله حتي الخونة بقوا خونة فاشلين و هايفين و ينطبق عليهم قول الرسول و تكلم الرويبظة تعالوا كدة نعمل مقارنة بين خونة زمان و خونة دلوقت زمان الخاين بيعرف ازاي يضحك علي الشعب عشان يصدقوا لدرجة ان شعبه بيحبة و ميكتشفش خيانتة غير بعد ما يموت بسنين طويلة فين أيام الحبيب بورقيبة بتاع تونس كان خاين جامد بجد مين ينساه لما قال اذا كنت قصيرا اما ان تقف في الأمام أو تصعد علي أكتاف الأخرين و لا الملك حسين بتاع الأردن كان خاين بعزة نفس و كرامة يعني بيخون و هو رافع راسه لفوق من غير ما يحني جبهته ناهيك عن خيانة الملك الحسن التاني عاهل المغرب علي الشياكة بتاعة كميل شمعون و هو بيخون القومية العربية في لبنان أما خونة دلوقت اتفووووووووووووانا مش قادر اكتب عنهم من القرف بس هاحاول محمد دحلان و أبو مازن و شلة ألانس بتاعة فتح اللي عزام الاحمد وقع لاتفاق مع حماس في صنعاء و بعد كدة قالك دة وقع من ورانا و لا المسئولين المصريين انا مش هاتكلم هقول التصريح و انتوا علقوا أبو الغيط تعليقا عن اقتحام الفلسطينين للحدود اللي هيعدي الحدود هاكسر رجلهو بعد قتل الصياد المصري من قبل السفينة الأمريكية لابد من ان يكون لنا وقفةوقفةوقفة و لا قعدة يا..........................و بعدها قالك الامريكان اعتذروا و احنا قبلنا لاعتذار ( لا تعليق )
فتحي سرور : لازم عشان تكسب امريكا متهاجمش اسرائيل لازم تكون حلنجي( لا تعليق )
حسني مبارك تعليقا علي جرائم اسرائيل في لبنان في حرب تموز : العواقب هتكون وخيمة علي البتاع دة ( ومازل البحث جاريا عن البتاع ) ( لا تعليق )
العاهل السعودي عبد الله بن عبد العزيز و رقصة السيوف المقرفة مع جورج بوش ( لا تعليق )
وزير خارجية قطر : السياسة القادمة مع امريكا سياسة التوسل ( لا تعليق)
( لا تعليق)
( لا تعليق)
( لا تعليق)
( لا تعليق)

الأربعاء، 26 مارس 2008

اغضب

اغضب فإن الله لم يخلق شعوباً تستكين اغضب فإن الأرض تـُحنى رأسها للغاضبين اغضب ستلقىَ الأرض بركاناً ويغدو صوتك الدامي نشيد المُتعبين اغضب فالأرض تحزن حين ترتجف النسور ويحتويها الخوف والحزن الدفين الأرض تحزن حين يسترخى الرجال مع النهاية .. عاجزين اغضب فإن العار يسكـُنـُنا ويسرق من عيون الناس .. لون الفرح يقتـُل في جوانحنا الحنين ارفض زمان العهر والمجد المدنس تحت أقدام الطغاة المعتدين اغضب فإنك إن ركعت اليوم سوف تظل تركع بعد آلاف السنين اغضب فإن الناس حولك نائمون وكاذبون وعاهرون ومنتشون بسكرة العجز المهين اغضب إذا صليت .. أو عانقت كعبتك الشريفة .. مثل كُل المؤمنين اغضب فإن الله لا يرضى الهوان لأمةٍ كانت - وربُ الناسِ- خير العالمين فالله لم يخلق شعوباً تستكين اغضب إذا لاحت أمامك صورة الكهان يبتسمون والدنيا خرابٌ والمدى وطنٌ حزين ابصـُق على الشاشات إن لاحت أمامك صورة المُتـنطعين اغضب إذا لملمت وجهك بين أشلاء الشظايا وانتزعت الحلم كي يبقى على وجه الرجال الصامدين اغضب إذا ارتعدت عيونك والدماء السود تجرى في مآقي الجائعين إذا لاحت أمامك أمة مقهورة خرجت من التاريخ باعت كل شئٍ كل أرضٍ كل عِرضٍ كل دين ولا تترُك رُفاتك جيفةً سوداء كفنها عويل مُودعِـين اجعل من الجسد النحيل قذيفة ترتج أركان الضلال ويُـشرق الحق المبين اغضب ولا تُسمع احد فإنك إن تركت الأرض عارية يُـضاجعها المقامر .. والمخنث .. والعميل سترى زمان العُـهر يغتصب الصغار ويـُـفسد الأجيال جيلا ً.. بعد جيل وترى النهاية أمة . مغلوبة . مابين ليل البطش . والقهر الطويل ابصق على وجه الرجال فقد تراخى عزمُهم واستبدلوا عز الشعوب بوصمة العجز الذليل كيف استباح الشرُ أرضك ؟ واستباح العُهر عرضك ؟ واستباح الذئبُ قبرك ؟ واستباحك فى الورى ظلمُ الطـُغاةِ الطامعين ؟؟؟ اغضب إذا شاهدت كـُهَّان العروبة كل محتال تـَخـفـَّى في نفق ورأيت عاصمة الرشيد رماد ماضٍ يحترق وتزاحم الكـُهَّان فى الشاشات تجمعهم سيوف من ورق اغضب كـَـكـُـلِّ السَّاخطين اغضب فإن مدائن الموتى تـَضجُّ الآن بالأحياء .. ماتوا عندما سقطت خيول الحـُـلم وانسحقت أمام المعتدين إذا لاحت أمامك صورة الأطفال في بغداد ماتوا جائعين فالأرض لا تنسى صهيل خيولها حتى ولو غابت سنين الأرض تـُـنكر كـُـلَّ فرع عاجز تـُـلقيهِ في صمت تـُـكـفـِّـنـُـه الرياح بلا دموعٍ أو أنين الأرض تكره كل قلبٍ جاحدٍ وتحب عـُـشاق الحياة وكل عزمٍ لا يلين فالأرض تركع تحت أقدام الشهيد وتنحني وتـُـقبِّـل الدم الجسور وقد تساقط كالندى وتسابق الضوءان ضوء القبر .. في ضوء الجبين وغداً يكون لنا الخلاص يكون نصر الله بـُشرى المؤمنين اغضب فإن جحافل الشر القديم تـُـطل من خلف السنين اغضب ولا تسمع سماسرة الشعوب وباعة الأوهام .. والمتآمركين اغضب فإن بداية الأشياء .. أولها الغضب ونهاية الأشياء .. آخرها الغضب والأرض أولى بالغضب سافرت في كل العصور وما رأيت .. سوى العجب شاهدت أقدار الشعوب سيوف عارٍ من خشب ورأيت حربا بالكلام .. وبالأغاني .. والخـُطب ورأيت من سرق الشعوب .. ومن تواطأ .. من نهب ورأيت من باع الضمير .. ومن تآمر .. أو هرب ورأيت كـُهانا بنوا أمجادهم بين العمالة والكذب ورأيت من جعلوا الخيانة قـُدس أقداسِ العرب ورأيت تيجان الصفيح تفوق تيجان الذهب ورأيت نور محمد يخبو أمام أبى لهب فاغضب فإن الأرض يـُحييها الغضب اغضب ولا تُسمع أحد قالوا بأن الأرض شاخت .. أجدبت منذ استراح العجز في أحشائها .. نامت ولم تُنجب ولد قالوا بأن الله خاصمها وأن رجالها خانوا الأمانة واستباحوا كل عهد الأرض تحمل .. فاتركوها أغضب اياك والخوف الدفين أغضب حتي تتذكرك السنين اغضب فبغضبك تزيل الالام عن الموجوعين اغضب ايها الحزين فبغضبك تمسح عار السنين اغضب ولا تخف فالخوف عارا لاتمحوه السنين

نستاهل اكتر من كدة عشان ساكتين


أفاد مراسل الجزيرة بالقاهرة بأن مصريا قتل وجرح اثنان آخران قرب ميناء السويس إثر إطلاق سفينة حربية أميركية النار على زورقي باعة متنقلين اقتربا منها.وأوضح المصدر أن السفينة غلوبال بتريوت كانت تهم بالدخول إلى قناة السويس قادمة من الخليج العربي باتجاه البحر الأبيض المتوسط، عندما اقترب منها باعة متنقلون على متن زورقين صغيرين في محاولة لبيع بضاعتهم.وأضاف أن الأميركيين على متن السفينة الحربية التي تحمل أجهزة عسكرية مستعملة أمروا الزورقين بالتوقف لكنهما واصلا التقدم، فأطلقوا عليهما النار مما أسفر عن سقوط قتيل وجريحين.وأشار المراسل إلى أن حشدا من الصيادين والباعة المتنقلين تجمعوا إثر ذلك بمراكبهم أمام السفينة احتجاجا على الحادث في محاولة لمنعها من العبور.نقلا عن الجزيرةتعليقي علي الخبر يعني بنضرب في رفح و علي الحدود مع اسرائيل و بنقول معلش غلطةلكن نضرب في السويس في قلب بلدنا يعني واحد ضيف يعدي من القناة بتاعتي و بدل ما يشكرني يضرب نار و يموت صياد مصري يبقي كدة دة مش ضيف دة راجل بيمر في مستعمرة من المستعمرات الامريكية يعني زي ما بيعملوا في العراق اللي بيقترب من دبابة امريكية بيتقتل يعني علي ايدين هذا النظام الضعيف الجبان المتخاذل زينا زي فلسطين و العراق يعني دولة محتلة و جيش المحتل ماشي في أرضنا من غير ما حد يحاسبه و لا يقوله بتعمل ايهياريت حد يعرفني امتي هيبقي عندنا كرامة عشان نفسي اشوف اليوم دة قبل ما اموت

الحزب الوطني ينتحر سياسيا

أثارت ترشيحات الانتخابات المحلية في مصر أزمة داخل الحزب الوطني الديمقراطي الحاكم الذي ينفرد بخوض تلك الانتخابات بعد استبعاد مرشحي جماعة الإخوان المسلمين.وتفاقمت الأزمة داخل الحزب، ووصل الأمر إلى حد تبادل الاتهامات بين أعضائه عبر صفحات الجرائد، وتقديم بعضهم استقالته واعتصام آخرين بمقار الحزب في المحافظات.وقالت بعض الصحف المصرية إن عدد الاستقالات بالحزب الحاكم منذ إغلاق باب الترشح للانتخابات المحلية الخميس الماضي بلغ 860 عضوا بينهم نواب بمجلسي الشعب والشورى، ما دفع عبد الحليم سالم أمين الحزب الوطني بمدينة القنطرة بالإسماعيلية وأحد أعضاء الحزب المستقيلين إلى التحذير من "انهيار تام للحزب بسبب هذه التصرفات".واتهم أعضاء بالحزب قياداته بتجاهل "أبناء الحزب" وترشيح أقاربهم ومقربين منهم، وأرسل نواب بالحزب مذكرات للرئيس حسني مبارك احتجاجا على طريقة اختيار المرشحين، وهي الأزمة التي أطلقت عليها الصحافة المصرية "فتنة المحليات".منقول عن الجزيرة نت

الأمن المصري يعذب نشطاء حماس

وجه وزير الداخلية الفلسطيني الأسبق والقيادي في حركة حماس، سعيد صيام، انتقادات لاذعة لسلوك أجهزة الأمن المصرية تجاه قيادات ونشطاء كتائب عز الدين القسام الجناح العسكري للحركة المحتجزين في مصر.وفي تصريحات للصحافيين، قال صيام إن العشرات من عناصر الحركة وقيادات كتائب القسام الذين تم اعتقالهم في سيناء أثناء فتح الحدود، يتعرضون للتحقيق والتعذيب الشديد.وتساءل صيام مستهجناً كيف يمكن لأجهزة الأمن المصرية أن تكيل بمكيالين عندما تسمح للهاربين من أتباع التيار الخياني من حركة فتح بالتحرك في الأراضي المصرية ويحيكون المؤامرات من هناك، في حين تتعقب الشباب الذين لم يسيئوا لمصر وليست لديهم تهمة سوى أنهم دخلوا الأراضي المصرية كغيرهم؟ مطالباً بوقف التحقيق والتعذيب الممارس ضدهم.وأضاف أن حماس أبلغت الجانب المصري خلال اللقاءات التي أجريت أخيراً بين الجانبين أن نشطاءها وقيادات القسام، المعتقلين منذ فتح الحدود يتعرضون لتعذيب غاية في الغرابة.وأضاف صيام أن الأسئلة التي يوجهها المحققون المصريون لا يسألها إلا جنود الاحتلال الاسرائيلي، حسبما ذكرت جريدة الشرق الاوسط.وأكد صيام أن أجهزة الأمن المصرية تحقق مع نشطاء حماس حول قضايا لا علاقة لها بالشأن المصري، وانما لها علاقة بالعمل الجهادي في فلسطين.وأوضح أن محققين مصريين من أمن الدولة يحاولون أن يحصلوا على معلومات حول مكان وجود الجندي الإسرائيلي الأسير جلعاد شاليط، الى جانب استفسارهم حول مكان وجود رئيس الوزراء اسماعيل هنية عندما تكون هناك تهديدات ضده.وأشار صيام الي أنه تم ابلاغ المصريين من خلال اللقاءات التي تعقد في مدينة العريش عدة مرات أن المعلومات الموثقة والمؤكدة تقول بأن المعتقلين بعضهم قيادات عسكرية من كتائب الشهيد عز الدين القسام وغيرهم من المجاهدين الذين دخلوا مصر كما دخل غيرهم من أجل قضاء احتياجاتهم يتعرضون لتعذيب بطرق مبتكرة.وأوضح أن اعضاء الوفد الأمني المصري الذي يلتقي قيادات حماس لم ينكروا ما يتعرض له نشطاء حماس في السجون المصرية وعبروا عن استيائهم وألمهم، و يبدوا أنهم يعرفون أن هذا يحدث في سجونهم .وأشار الى أنه استمع من ضباط الشرطة الفلسطينية الذين تم الإفراج عنهم وكانوا مع زملائهم في السجون المصرية لشهادات تقشعر لها الأبدان حول التعذيب الذي يتعرض له نشطاء حماس في السجون المصرية.وعبر صيام عن خشيته من أن يؤدي هذا السلوك الى توسيع الهوة و ردات فعل قد تكون غير مقبولة، خاصة حينما يسمع الأهالي ما يحدث لأبنائهم هناك.ودعا صيام القيادة المصرية والمنظمات الحقوقية في مصر ونقابة المحامين ونواب مجلس الشعب المصري وأحزاباً؛ في مقدمتها الحزب الوطني الحاكم بأن يكون لهم صوت وأن يتدخلوا لوقف هذه السياسة، التي كما قال تشكل نقطة سوداء في تاريخ العلاقة المصرية ـ الفلسطينية.كما طالب صيام القيادة المصرية بالتدخل العاجل للافراج عن هؤلاء الشباب الذين لم يسيئوا لمصر وأن يوقف هذا التحقيق والتعذيب بحقهم.وطالبت حركة حماس السلطات المصرية بتقديم المسؤولين الأمنيين المصريين الذين أجروا تحقيقات مع نشطاء للحركة عقب اعتقالهم فترة هدم الحدود الفاصلة بين القطاع ومصر في مناطق شبه جزيرة سيناء الي المحاكمة.ونفت حماس أن تكون قد قررت قطع علاقاتها مع مصروقال أيمن طه القيادي في حماس لجريدة القدس العربي يجب أن تتم محاسبة المسؤولين الأمنيين المصريين الذين حققوا بشكل وحشي مع نشطاء حماس وأن يقدموا للمحاكمة.وذكر طه ان 36 ناشطا من حركة حماس ما زالوا معتقلين في السجون المصرية لغاية اللحظة، بعد ان أطلقت السلطات المصرية خلال الفترة الماضية عددا آخر منهم.وكانت أجهزة الأمن المصرية اعتقلت نحو 85 ناشطا من حماس خلال هدم الحدود الفاصلة بين القطاع ومصر نهاية شهر يناير الماضي.وأوضح طه أن نشطاء الحركة الذين أخلت السلطات المصرية سراحهم قالوا انهم تعرضوا لتحقيق وحشي ، مشيراً الي ان الضباط الذين أجروا معهم التحقيقات كانوا يسألونهم عن نشاطاتهم في حماس، وعن العمليات التي شنوها ضد الاحتلال، وأماكن وجود قادة حماس، خلال الاخلاء والقصف الاسرائيلي.وقال أن هذه الاساليب والأسئلة غير مقبولة، وأعتقد ان المصريين أيضاً لا يقبلونها. ونفي طه ان تكون حركته قد اتخذت قراراً بقطع العلاقات مع مصر بعد هذه الحوادث.وقال أن العلاقات مع الشقيقة مصر غير مرهونة بما حدث، وما زالت العلاقة ايجابية، ونأمل أن تستمر هذه العلاقة.كان مصدر في حماس لم يذكر اسمه قال ان العلاقة بين الحركة والقيادة المصرية دخلت مرحلة جديدة من التوتر احتجاجاً علي محاولات الأمن المصري معرفة معلومات حساسة عن حركة حماس من المعتقلين الفلسطينيين في مصر
نقلا عن موقع أنصار بورسعيد

الترشيح للمحليات اتقفل و لا اتفتح

حد فاهم حاجة الباب مفتوح و لا الباب مقفول انا مش فاهم طب و لو فتحوا الباب و الأمن و البلطجية مانعين الناس من الترشح طب اتفتح ليه متقولوا مفيش انتخابات و المحليات بالتعيين و الشعب المصري كالعادة هيحط جذمة في بقه و يسكت كله بيدور علي أكل عيشه اللي مش لاقيه و مفيش حد هيبص علي انتخابات و لا غيره انا دلوقت مش عايز غير حاجة واحدة الحكومة تطلع تقول خلاص بح الحل السياسي مينفعش معانا أو بالبلدي مش هياكل معانا و يا شعب مصر شوفلكوا حل تاني و احنا كشعب مصري نبدأ نفكر في حل تاني نتعامل بيه مع هذا النظام و انا عايز اسمع اقتراحات الناس ايه هو الحل المناسب للتعامل مع السلطة و برضة بأسأل السلطة ايه الحل اللي تحبوا اننا نتعامل بيه معاكوا شوفوا انتوا عايزين ايه و احنا تحت أمركوا

الصحافة الالكترونية

عايز اتكلم النهاردة عن الصحافة الالكترونية و ما يميزها عن الصحافة التقليدية في الصحافة الالكترونية ممكن في يوم وليلة تبقي صاحب نوت أو صاحب بلوج في الصحافة التقليدية عشان تبقي صاحب عمود دة لازم تطلع السلم من اوله و ممكن تعجز و شعرك يبيض و سنانك تقع و لسة مبقتش صاحب عمودالصحافة الالكترونية بتروح للقاريء لحد عنده لكن الصحافة التقليدية القاريء لازم ينزل يشتري الجورنال الصحافة الالكترونية ببلاش الصحافة التقليدية بفلوس لازم تدفع حق الجورنال الصحافة الالكترونية مفيش رقابة الصحافة التقليدية في فوقك رئيس قسم و مدير تحرير و رئيس تحريرو ممكن تلاقي منشورلك حاجة مختلفة تماما عن اللي انت كتبتهاالصحافة الالكترونية هتوصل للقاريء بمزاجه أو غصبا عنه يعني مش هسيبك لازم تقرا هعمل نوت واعملك تاج مش هتقراها هاعملها فن وول و ابعتهالك مش هتقرا هدخل علي الجروب اللي انا ادمن فيه و ابعتها رسالة لكل الاعضاء أما في الصحافة التقليدية ممكن قاريء يشتري جورنال و يعدي مقال ميقروهش عادي مفيهاش حاجة دة في رأيي ما يميز الصحافة الالكترونية عن الصحافة التقليدية ياريت لو حد عنده تعليق أو رأيي يفيدنا بيه عمرو عوف صحفي الكتروني

ارقص يا حضري اشرب يا أهلي

لازم تشرب معايا عشان تحس بيا عشان ترحم دموعي و تبطل الأسية بتلك الكلمات من قصيدة اشرب اوجه حديثي للأهلي و جماهيره بعد أن اجبرهم عصام الحضري علي الشرب من نفس الكأس الذي شربت منه كل الأندية المصرية عرفتوا يا أهلاوية يعني ايه لاعب يبقي معاك و فجأة تصحي الصبح متلاقيهوش عرفت كان شعور جمهور الاسماعيلي ايه و انت بتحاولوا تخطفوا حسني عبد ربه و سيد معوضو قبل كدة لما خطفته بركات و الشاطر و النحاسعرفت شعور المصري لما خطفته نجمه محمد شوقي عرفت شعور الزمالك لما سرقته معتز اينو علما بانكوا كنتوا بتخطفوا الاعب من ناديه عشان يلعب ضده مع الفرق الحضري راح سويسرا و معتقدتش هيجي يوم يلعب في سيون ضد الأهلي تاني حاجة بقي دة رسالة لكل جمهور الاهلي محدش بيلعب في الاهلي عشان عيون الاهلي بما فيهم القديس ابو تريكة كله عشان الشهرة و الفلوس و اول لما بتيجي فرص احسن كله بيخلع و سألوا محمد شوقي لاعب ميدلسبرةو وائل جمعة اللي راح السيلية القطري يعني مالهاش لازمة تقعدوا تمجدوا في لاعبيتكوا عشان دول مش بيلعبوا للأهلي دول بيلعبوا للفلوسو انتصارات الاهلي الوهمية دي مش انتصارات للأهلي دة انتصارات لدولارات الاهلي يعني بدل ما تقولوا العب يا اهلي مش عايز اسمع الهتاف دة تاني قولوا العبي يا دولارات عشان مش الاهلي اللي بيلعب ديه دولارات الاهلي اللي بتلعب

صناع الفتن

يا صناع الفتن حلوا عن هالوطن حلو عنا بدنا نعيش بيكفينا محن تعاني أمتنا العربية و الاسلامية من سوس ينخر في جسدها هم الخونة و العملاء و مثيري الفتن و هذا ما ظهر جليا في أحداث الأمس في معبر رفح و يلح علي السؤال المر من أطلق النار و من ألقي الحجارة علي حرس الحدود المصريين في المعبر بالأمس و الأدهي من ذلك سقوط قتيل فلسطيني لا ناقة له و لا جمل فوق سطح منزله برصاصة طائشة لا يعلم أحد من أطلقهايا شعب فلسطين أناديكم أشد علي أياديكم قفوا وقفة رجل واحد في مواجهة الخونة و المرتزقة الذين يقومون باثارة الشغب علي المعبر مقابل حفنة شيكالات صهيونيةهؤلاء لا يمتوا بصلة للشعب الفلسطيني أنا واثق من ذلك فقد تخلوا عن جنسيتهم الفلسطينية يوم باعوا أنفسهم للمحتل فهؤلاء خليط من الخونة و تجار المخدرات و المهربين علي الجانب الأخر ينشط اللوبي الاسرائيلي في مصر و يجد الفرصة مواتية لاحداث الوقيعة بين الشعبين المصري و الفلسطيني فهذا هو الوقت المناسب لتحليل لقمة العيش الامريكية الصهيونية و اثبات ولائهم و انهم يستحقوا الدولارات الامريكية و يؤدون عملهم علي اكمل وجه و أيضا عملاء الحكومة المصرية من أقلام السلطة جائتهم اللحظة التي ينتظروها من أجل نيل الرضا الحكومي و دعم الحزب الوطني ضد الاخوان المسلمين علي أساس ان حماس هي امتداد للاخوان في مصر و تحميل حماس مسئولية الاحداث و من ورائهم الاخوان يصب في مصلحة حكومة الحزب الوطني و كما ناديت علي الشعب الفلسطيني انادي علي الشعب المصري افضحوهم و اكشفوهم أمام الشعب المصري و العالم أجمع ليعلم الجميع المصريين الشرفاء من عصابة الخونة و المنافقين التي ابتلي الله بها هذا الشعب عمرو عوف